Á föstudaginn var mjög gaman hjá okkur þá máttu allir koma með leikföng að heiman. Sumir komu með leikföng sem þau höfðu fengið í jólagjöf, önnur með uppáhalds leikfangið sitt og sýndu hinum börnunum. Þó það sé alltaf gaman að leika með eitthvað nýtt þá stendur efniviður leikskólans alltaf fyrir sínu eins og sjá má á myndunum. Þetta var stór dagur sem börnin höfðu beðið eftir og skemmtu allir sér vel.
Kveðja allir á Kardó.
Sjá má myndir á heimasíðu.
Leikfangadagur
Listamenn í Hulduheimum
Hæ,hæ,
Hér er linkur á myndirnar sem Sjónarhólsbörnin sendu til Strætó í byrjun desember ef þið viljið kíkja: http://www.straeto.is/myndasofn-leikskola/
kveðja
Kristín B
Jólaball
Það var jólaball hjá okkur í dag, allir í fínum fötum og með gleði í hjarta. Börnin á Álfhóli og Karemommubæ byrjuðu á að dansa saman í kringum jólatré. Síðan tóku börnin á Sólskinsbæ og Sjónarhóli við. Við vorum svo heppin að fá til okkur harmónikuleikarann og tónmenntakennarann Ólaf Beinteinn Ólafsson, en hann er afi Ólafs Björns á Álfhóli og hefur starfað við kennslu í 45 ár. Ólafur Beinteinn stjórnaði dansinum og jólasöngnum kringum jólatréð með skemmtilegu harmóniku undirspili. Börnin tóku vel undir enda búinn að æfa jólalögin vel. Það er gaman að segja frá því að Ólafur Beinteinn lýsti sérstaklega yfir ánægju sinni yfir góðri framakomu og sönggleði barnanna. 
Leikskólastjóri og starfsfólk Hulduheima þakkar Ólafi kærlega fyrir að hafa komið og verið með okkur.
Það komu fleiri góðir gestir til okkar, jú ekki má gleyma jólasveininum honum Hurðaskelli, en hann kom og skemmti börnum eins og jólasveinum er einum lagið. Því næst fór hann inn á allar deildar og færði börnunum gjafir sem allir voru ánægðir með. Við þökkum stjórn foreldrafélagsins innilega fyrir þeirra hjálp við undirbúning.Allir fengu svo hangikjöt með meðlæti að hætti Jennýjar og Brynju og þökkum við þeim líka fyrir frábæran mat.
Athugið myndir koma inn fljótlega.
Jólakveðja
